Tuesday 31 December 2013
Sunday 29 December 2013
Saturday 28 December 2013
गीत व्हावे एक
ऐसे
अंतराला
स्पर्शणारे ,
नाद बिंदू
वेचताना
अनंताशी
पोचणारे ।
या जिवाच्या
घालमेली
त्या जिवाला सांगणारे,
दुख वेदनांतूनी फुलूनी
विश्व सारे
गंधणारे ।
वेचितांना सूर सुमने,
फुल पानी
जागणारे,
लाजणाऱ्या
मुग्ध कलिका,
चंद्र बिंदू
चुंबणारे ।
गंधवारा
वाहताना
तरु – लतांना वेढणारे,
थाप पडता
कडकडाती
रंध्र रंध्री
धुंदणारे ।
अंधारल्या
मनातुनी ,
एक पणती
लावणारे,
दोन हृदये
सांधताना ,
हात हाती
गुंफणारे ।
सूर माझे शब्द
माझे,
वाट माझी
चालणारे,
नाद बिंदू
वेचताना
अनंताशी
पोचणारे ।
-
डॉ अतींद्र
सरवडीकर
ही आर्त विराणी कुठली ?
ही चंद्रपारची वाणी ?
प्राणास फुटली गाणी ।
मूक संध्या समयी,
गहन धुक्याच्या वेळी,
रेखाटत बसली जोगीण,
ध्यानस्थ स्वरांच्या ओळी ।
आंदोलन स्वरगंगेच्या,
डोहात उतरले थोडे,
दिक्काला पैल निघाले,
चंद्रप्रभेचे रावे ।
कृष्ण बनातून फुलले,
त्या गीत फुलांचे झेले,
गंध दरवळे अवघे,
विश्व मोहुनी गेले ।
एकट कातर समयी,
त्या चंद्र भारल्या वेळी
त्या चंद्र भारल्या वेळी
जोगीण उतरण तुडवी,
तो चंद्र माळुनी केशी।
तो चंद्र माळुनी केशी।
लेऊनि शुभ्र भगवेसे,
'अलख' जागते वारे,
अनिवारश्या ओढीने,
सूर चालती मागे …
- अतिंद्र सरवडीकर
(गुरुवर्य डॉ. प्रभा अत्रे यांना समर्पित कविता)
२९ डिसेम्बर २०१३. पहाटे ३
Monday 18 November 2013
A well known Marathi periodical "
Kala-Manch" published my poem 'Nakshatra' in their Diwali 2013 Special
Edition... The issue is dedicated to great Marathi poet Arati Prabhu as
well Shivsena pramukh Bala Saheb Thakre.. feeling very special as
received my first payment for writing !!
https://www.facebook.com/media/set/?set=a.490239534424708.1073741826.101654716616527&type=1
https://www.facebook.com/media/set/?set=a.490239534424708.1073741826.101654716616527&type=1
Wednesday 13 November 2013
Sangeet Kala Vihar - A publication of Akhil
Bhartiya Gandharva Mahamandal published my article on Guruma Dr. Prabha
Atre ji in a special issue of November 2013 which is dedicated to Dr.
Prabha Atre.
The article is named as " Sahastra - Chandra - Prabha " Sachin Kulkarni made appropriate Hindi translation [both Marathi and Hindi Versions are published in resp. areas all over country]
https://www.facebook.com/ photo.php?fbid= 625877370789417&set=a. 625877264122761.1073741829. 134251089952050&type=1&theater
The article is named as " Sahastra - Chandra - Prabha " Sachin Kulkarni made appropriate Hindi translation [both Marathi and Hindi Versions are published in resp. areas all over country]
https://www.facebook.com/
Monday 16 September 2013
An article published in leading marathi news paper loksatta on Sunday 15-09-2013
here is E link - http://www.loksatta.com/lokrang-news/hindustani-classical-vocalist-dr-prabha-atre-196465/
Monday 12 August 2013
कोसळणारा
पाउस... स्टेशन वरची ही sss गर्दी... आधीच काही कटकट झाल्याने वैतागलेलो
...बरोबर ३ पिशव्या.. कसा बसा पुणे मुंबई इंटरसिटी चा मासिक पास धारकांचा
डबा गाठलाय ... नुसता पास असून उपयोग नसतो ... लोक पुढे बसणार्या
त्यांच्या खास लोकांसाठी जागा पकडतात.. नंतर तिथे जुगiरा चा अड्डा जमेल ...
हुश्श बसलो .. गाडी सुटली ... एक आजी आजोबा उभे आहेत आणि समोर बसलेला एक
driver सदृश इसम आरामात हातपाय पसरून झोपलाय पण
त्यांना बसू देत नाहीये ... मी उठून त्यांना बसा म्हटल तर ते नको
म्हणाले.. मी म्हटल पास च्या डब्यात का आलात ? म्हणाले इतर डब्यात चढता येत
नाही ... च्क्क ... समोर फलाटा वर काही लोक डोक्यावर मोठ्या टोपल्यात
बहुदा मासे ने आण करतायत ... चक्क एक पिशवी उघडून एका कावळ्याने एक अख्खा
पापलेट पळवलाय.... आता कावळाच पाळीन म्हणतो !!
:D मगाशी एक भिकारी बसकट आवाजात खंडेरायाच्या लग्नाला म्हणत होता ...पण ठसका
आहे साल्याच्या आवाजात..तीच चाल फिरली बराच वेळ डोक्यात ! कर्जत आल आता
गाडी pack झाली... मगाचे आजी आजोबा आता त्रासलेले दिसतायत... मी खुण केली
... आजी चुपचाप माझ्या जागी येउन बसल्यात... चांगली गौगल बीगल घातलेली
माणस जुगारातल्या पैश्यान वरून भांडतायत... आता आवाज चांगलाच चढलाय ...
माझ्या इयर फोन मध्ये अण्णांचा पिळदार षड्ज लागलाय... काय सुरॆख सम
गाठ्लीये ... !
दुख दारिद्र्य दूर कीजे सबन को सुख देवो करतार ... करीम नाम तेरो...
दुख दारिद्र्य दूर कीजे सबन को सुख देवो करतार ... करीम नाम तेरो...
Tuesday 23 July 2013
Friday 19 July 2013
मौला मौला कर दिनी मै रटत तेरो हि नाम
तरसत आखडी जिया है बेकल Thursday 11 July 2013
खुणा
विश्रब्ध रात्री
दाटल्यात गात्री
सुरांच्या दिठीने
चन्द्रल्या खुणा
रक्तात मौनात
झुलतात झोकात
झाडात पानात
लपल्या खुणा
येशील जाशील
वळूनही पाहशील
दिसतील खुपतील
रुतल्या खुणा
माळून ठेवू
झाकून ठेवू
उधळून देऊ
साठल्या खुणा
मिरवल्यात काही
लपवल्यात काही
लाजल्यात काही
शीर्ण खुणा
झेलल्यात काही
कोरल्यात भाळी
आठवात काही
जीर्ण खुणा
- अतिंद्र सरवडीकर
Monday 25 March 2013
उजाला
उजाला चाहु थोडा
अंधियारा है घनासा
राहे धुआ धुआ सा
अंधियारा है घनासा ... |
आया दसो दिशासे
तुफान बेरुखी का
हाथोमे हाथ रखना
अंधियारा है घनासा ... |
ये लालच मे जो डूबा है
अपना नही, है पराया
इन्सा बचाके रखना
अंधियारा है घनासा ... |
दिल मे जला हुवा जो
था एक ख्वाब जिस से
शम्मा जलाये रखना
अंधियारा है घनासा ... |
- अतिंद्र सरवडीकर ..
- अतिंद्र सरवडीकर ..
Tuesday 12 February 2013
चंद्रकंस
चंद्र शांत रातव्यात
चंद्रकांत सावल्या
झाड झाड पान पान
चंद्रनील पाकळ्या ||
भारल्या सुरात जीव
तृप्त तृप्त गारवा
ये फुलून मोहरून
चंद्र सूर शुभ्रसा ||
चंद्र तोच रात तीच
तोच धुंद गंध हा
खोल खोल ये जुळून
चंद्रकंस बावरा ||
चंद्रपार राउळात
मंद दीप तेवढा
चंद्र्धून ये तिथून
अंतराळ भारला ||
श्वास स्पर्श जाहला
भास अर्थ जाहला
चांदण्यात हात अन
प्रीतपूर लोटला ||
- अतिंद्र सरवडीकर
चंद्रकांत सावल्या
झाड झाड पान पान
चंद्रनील पाकळ्या ||
भारल्या सुरात जीव
तृप्त तृप्त गारवा
ये फुलून मोहरून
चंद्र सूर शुभ्रसा ||
चंद्र तोच रात तीच
तोच धुंद गंध हा
खोल खोल ये जुळून
चंद्रकंस बावरा ||
चंद्रपार राउळात
मंद दीप तेवढा
चंद्र्धून ये तिथून
अंतराळ भारला ||
श्वास स्पर्श जाहला
भास अर्थ जाहला
चांदण्यात हात अन
प्रीतपूर लोटला ||
- अतिंद्र सरवडीकर
नक्षत्र
घननीळ स्वरांच्या राशी
अडखळल्या कश्या मनाशी ?
मी एकटा उभा तिमिरात
जुळवीत हाक ओठाशी ||
विस्तीर्ण पसरला माळ
डोळ्यात दाटली नीज
चालणे तरी थांबेना
प्राणात अनावर ओढ ||
एकट कातर वेळ
तो निजला देवघरात
उजळण्या दु:ख जरासे
फुटला आर्त अभंग ||
श्वासात लयीचे झोक
कंठास सुरेल तहान
गात्रास लागण्या जोग
तालात बांधले त्राण ||
ऐकता अनावर हाक
धावलो जरा बेभान
क्षितिजावर तुटका तारा
ओन्जळीत एक नक्षत्र ||
- अतिंद्र सरवडीकर...
अडखळल्या कश्या मनाशी ?
मी एकटा उभा तिमिरात
जुळवीत हाक ओठाशी ||
विस्तीर्ण पसरला माळ
डोळ्यात दाटली नीज
चालणे तरी थांबेना
प्राणात अनावर ओढ ||
एकट कातर वेळ
तो निजला देवघरात
उजळण्या दु:ख जरासे
फुटला आर्त अभंग ||
श्वासात लयीचे झोक
कंठास सुरेल तहान
गात्रास लागण्या जोग
तालात बांधले त्राण ||
ऐकता अनावर हाक
धावलो जरा बेभान
क्षितिजावर तुटका तारा
ओन्जळीत एक नक्षत्र ||
- अतिंद्र सरवडीकर...
भिन्नषडज
भिन्न वाटा जाहल्या रे
याद थोड्या राहिल्या
पान वेलीला सुनावे
भिन्न आता सावल्या ।
वळण वाटी भेटलेल्या
जीवलाव्या त्या खुणा
भिन्न गावे गाठताना
हाक घुमवीत राहिल्या ।
पायवाटा वेगळाल्या
हात हाती वेगळाच
गीत पुसण्या का कधीचे
भिन्न षड्जी लागल्या ?
वेचलेल्या स्मृतींच्या
गोठलेल्या पाकळ्या
बहरण्या प्राजक्त दारी
ओघाळोनी टाकल्या ।
भिन्न वाटा जाहल्या रे
याद थोड्या राहिल्या
पान वेलीला सुनावे
भिन्न आता सावल्या ।
--- अतिंद्र सरवडीकर
याद थोड्या राहिल्या
पान वेलीला सुनावे
भिन्न आता सावल्या ।
वळण वाटी भेटलेल्या
जीवलाव्या त्या खुणा
भिन्न गावे गाठताना
हाक घुमवीत राहिल्या ।
पायवाटा वेगळाल्या
हात हाती वेगळाच
गीत पुसण्या का कधीचे
भिन्न षड्जी लागल्या ?
वेचलेल्या स्मृतींच्या
गोठलेल्या पाकळ्या
बहरण्या प्राजक्त दारी
ओघाळोनी टाकल्या ।
भिन्न वाटा जाहल्या रे
याद थोड्या राहिल्या
पान वेलीला सुनावे
भिन्न आता सावल्या ।
--- अतिंद्र सरवडीकर
ज्ञानोबा
सहन सिद्धीचा हो योगी दु:ख कालिंदीच्या तीरी
शांत रसाला भरती गाढ लागली समाधी |
नवतरुण तेजाळ त्याला विश्व गवसले
महाशून्यात बैसला त्या पैस नाव दिले |
सा-या जगाचे गुपित बालपणीच जाणले
चालविली जड भिंत रेड्या वेद वदवले |
ज्ञानमित्र दीपाळता म्हणे विश्व हेचि घर
ओवी ओवीत गुंफले विश्व आर्त प्रकाशले |
कालातीत दिव्य तेज प्रकटून दु:ख भोगी
शांत अद्भुताची लेणी अश्रू अश्रूत खोदली |
किती साहिले बा त्याने सारे पारिजात केले
सडा ज्ञानाचा शिंपला सारे भरून पावले |
त्याने लावलेले तेच एक कैवल्याचे झाड
चैतन्याच्या गाभा-यात आजही पुंजाळत |
त्याच्या शब्दांची नक्षत्रे त्याच्या वेदनेचे दीप
त्याचा आठव दाटता विरे मोहाची जाणीव |
- डॉ अतिंद्र सरवडीकर
Subscribe to:
Posts (Atom)