कृपा करी कृपा करी स्वामीराज माऊली,
तप्त झळा सोशितो द्यावी आता साऊली ।
आजवरी चाललो वाट एकला धीराने
दैन्य दु:ख भार सारा वाहिला मुक्याने
नाम मुखी ध्यान मुर्ती शमविते काहीली।
आडवाट कंटकाची रात्र वादळी तमाची
आसरा तुम्ही सुखाचा ज्याेत अंतरी तेवती
ध्यान मुर्ती पाहण्याची आस जीवा लागली ।
चेहर्यात शांतता डोळ्यात आर्तता
पाहती माझ्याकडे मज होई भास सारखा
मनीची अशांतता शांत शांत जाहली।
- डॉ अतिंद्र सरवडीकर
No comments:
Post a Comment